有一個人真愛肅靜.
伊住彼間厝,在打銅的與打鐵的中央.
在左右鄰每日在打,吵到擋沒住,
就常時與[伊心]二個人講:
"不管時,恁二個人要搬徙位的時,
請恁預先與我講[一下],
我即辦卓要請恁."

有一日,此二個人做陣過來講:
"阮二個要徙位了,先來與汝講,
前因為汝有講要請阮,
所以特工來攪擾的."

伊就聽見真歡喜,
趕緊去叫一卓酒,來請[伊心]二個飲.
酒飲了,主人就問伊講:
"恁二人要搬去何位呢?"

[伊心]二個人就講:
'阮二個人,伊要搬過來我此旁,
我要搬過去伊彼旁."

此個人聽了,氣到要死去.
"如此猶原是無差,
可惜我了一卓酒,
被恁二人騙去食.
又是吵到哭父咯."

彼二個即講:
"總是阮要搬就是了."