有一個不止貪心的.
定定不時在想趁錢的法度,
見遇著人就問.

有一日,一個較賢,較好文墨的人來,
伊就不止歡喜,又問伊趁錢的法度.
彼個人就應伊講:
"好了,我要教汝一個穩當能趁錢的法度,
總是汝先給我一千元,即要."

彼個貪心的心肝內在想:
"若是學著趁錢的法度,
就一千元亦隨時討能得返來,
無要緊,無要緊."
將一千元交給伊,

伊就提彼個銀,收置衫仔懷,即講:
"汝看咧,
這是趁錢的法度了,
汝亦照如此做."