电视城内经常传出鬼怪疑云，究竟系工作人员捱更抵夜，因而产生幻觉，抑或真有其事？咁就真系你唔知，我唔知，只有天至知喇！

惨做「笑声怪客」替死鬼－魏骏杰
　好多年前，我同林文龙、郑伊健o系八厂拍剧，当拍到我同伊健的对手戏时，我依足剧本去做，讲完对白之后行o左出布景板外，剩低伊健一个做内心戏，但点知当我o系布景板外静心等候时，竟然全部人都听到有『人』发出笑声，导演即时叫cut，仲闹我做乜笑，我同导演讲，我冇笑到，亦都唔会咁冇演员道德，之后大家睇番playback，竟发现冇录到任何笑声，o个阵导演先识惊，其实之前我已经听过好多前辈话呢间厂经常有怪声出现，所以大家都见怪不怪！

被困录影厂半个钟－罗嘉良
　多年前我在电视城二厂拍摄剧集《誓不低头》时，由于太疲倦的关系，晚饭时间其他演员纷纷往吃饭，只剩下我一人留在录影厂内睡觉。当我醒来但还未睁开眼时，听到很多人声，更感觉有人开灯，我以为是其他演员吃完饭回来，但我渐渐觉得有点不对劲。我觉得那班人一直围着我床边行，甚至感觉到他们穿过布景。我心知不妙，立即冲向门口，可是厂房的大门开极也开不到，当时我惊到缩在门边，足足过了半小时才能将大门打开，自此之后，我再不敢独个儿留在任何录影厂呢！

钟保罗现身录影厂－罗君左
　呢件事发生o系好多年前，当时我o系五厂拍《天龙八部》，放break o既时候，所有工作人员都出晒去，只余下我同陈浩民等演员o系度对稿，对对o下，我骤眼见到有人企o系录影机（按：应为〝摄影机〞）后面，最初我以为有工作人员未出去，咪谂住望o下系边个啰！点知正面一望又冇人喎！不过我好肯定唔会睇错，所以偷偷o地斜眼视，谂住睇清楚，果然真系望到有个着灰色西装、白恤衫、打黑呔o既男人！虽然我望唔到佢个样，但就相信佢系钟保罗，因为佢出殡当日都系呢身打扮！事后都有其他演员话见到，但陈浩民就话睇唔到，仲叫我唔好吓佢添！

戏服离奇失踪－蔡子健
　以前做儿童节目时，每星期都会指定着一套衫，基本上唔会有其他人拿o个套衫 o黎着o既。点知有一日，我摷匀成个服装间都搵唔到套衫，问过晒所有同事都话冇拿到，服装间阿姐知道后竟然叫我行开一阵，跟住我转头就听到佢好大声拍台话：『唔好玩喇』当时服装间只有佢一个人，而当我去完厕所再返入去o既时候，o个套衫已经o系台面。事后我好奇地问佢刚才发生乜o野事，佢叫我唔好理喎！

电视城鬼故篇２
化妆间打搞「佢o地」－唐文龙
　就系o系呢个二五厂化妆间喇！记得o个朝我凌晨四、五点自收工，跟住六点又要开工，见有个多钟时间，咪开张帆布床困啰！因为太早o既关系，所以四厂已经冇晒人，化妆间亦只有我一个，大约困o左十几分钟，我听到脚步声，我以为有人返o黎开工，咪谂住打声招呼啰，点知睁开眼睛，又冇人喎！于是我又困番，冇几耐又听到化妆间好嘈，于是又再睁开睇o下，点知都系冇人。我以为系错觉，但当我再困番o既时候，就感觉到五、六个人企o系床边望住我，仲o系度讲 o野，讲o的乜我就打听到喇！当然啦，到我张开眼时，又系乜都见唔到，o个一刻我实在太累喇！我o系个心讲：『我好累，我只系想困觉o即，如果打搞你o地 o既话，真系唔好意思。』讲完之后，我再听唔到任何声音，亦都再冇怪事发生，自此，我便随身携带呢张观音咭护身。

厕所惊心拍门事件－陈颖妍
　o个日o系电视城二、五厂，大约凌晨三、四点左右，我自己一个去洗手间。当时里面一个人都冇，只系隐约听到水滴声，我都感觉到唔系好舒服o架啦！但实在真系有需要去洗手间，所以都唔理得咁多，惟有照去啰！就o系我用厕o个阵，突然感觉有人好大力拍我度门，仲拍o左两、三次添！虽然我都惊惊o地，但就谂可能系有人整蛊我，所以大胆咁问：『出面系咪有人呀？系边个呀？』结果不单冇人应我，当我开门之后更连人影都唔见添！o个阵我先开始惊，但为求自己心安，所以都睇埋其他厕格有冇人，点知真系冇人！于是我就急急脚离开洗手间，但我冇话俾工作人员知，反而同屋企人讲，跟住佢o地就帮我求o左一道符同埋张观音咭我，之后就再冇遇过怪事喇！

鬼仔睇拍戏－祝文君
　以前听闻有位做幕后o既工作人员有阴阳眼，每逢o系二五厂开工拍剧前都会好大声咁对住空气讲：『走喇！唔好阻住开工呀！』起初其他工作人员都唔知佢做乜，觉得好奇怪，后来先知，原来佢成日见到有班鬼仔坐o系收音咪杆上睇人拍戏，于是想赶佢o地走啰！不过班鬼仔就唔多听话，次次闹走o左之后，好快又再返o黎，完全冇佢o地办法。平时我会戴水晶o黎辟邪、好似黑水晶咁。早前我去台湾睇舞台剧时，又买o左条内藏平安符o既炼挂o系部车o既倒后镜上，以保平安。

城楼上的大头鬼－陈键锋
　据闻古装街城楼上有只大头鬼，听一位资深工作人员讲，佢有晚半夜收工，骤眼望见城楼上有个人影，点知睇真o的，竟发现呢个『人』个头比平常人大三至四倍，吓到佢立即离开，佢相信呢个就系传闻中o既大头鬼！