有一个教书先生,
在庄里教学,

彼个学生若有做神明生,公妈忌,
都请先生去食烧酒.
先生不止欢喜.

内中有一个较贫赤的学生,
拢不曾请伊.
彼个先生不时问彼个学生:
"恁厝拢不曾做忌是否?"
问到真多次.

彼个学生返去,与[伊心]老母讲:
"阮先生不知怎样,屡屡问,
恁厝里不曾做忌是否?"
[伊心]老母,就知先生饿鬼,想要食.

过四五日,[伊心]老母对[伊心]子讲:
"今仔日阿妈做忌.
汝去请先生较早来
咱厝坐坐咧."

到日要午,先生与[伊心]子相[毛火]
就来,站厅里坐等候.

[伊心]老母已经先买二个饼,
置在彼窗仔边.假意站厅后,
用空[金鼎]煮到吱吱哮,
煮到三,四点钟,尚未可好食.

不拘先生等候到伤晏,
腹肚已经饥到挡没住,
看见窗仔有二个饼,
紧提起来就食.

伊在厅后偷看,
看到先生彼二个饼
已经食落去了,
即出来与先生行礼,
讲:
"给先生等候真久咯,真失礼."

又特意行去窗仔边,
寻彼二个饼.
看见饼无去,假怒气,
紧叫[伊心]子来问,
讲:
"汝此个夭寿仔,
彼窗仔的饼,是毒鸟鼠的饼,
内面入毒药在得.
是汝偷食去的乎.
若过六点钟久就能死.
汝着照实说,
若不讲就能死咯."

彼个先生听了着惊,
非常的烦恼,彼时即讲实在:
"彼个饼是我腹肚饥,
食落去的.今要怎样呢?"

[伊心]老母讲:
"嗳哟,今着紧吐出来就能好."

紧紧越入去房间内,
捧一桶屎出来,
与先生灌入嘴内,
叫伊紧吐出来.

先生愈饮愈吐,
吐了即返去.